روايات وقصص

عمتي جابتلي عريس من الارياف

عمتي جابتلي عريس من الأرياف ورفضته فورًا لأني مكنتش عايزة أتجوز هناك، بس أختي الصغيرة وافقت عليه، وبعدها عرفت إنه مقتدر جدًا وقولت لازم أرجعه ليا تاني حتى لو هخسر أختي، وفعلا في ظرف شهر خليته سابها وخطبني بس ليلة الخطبة عمل حاجة ميعملهاش بني آدم عاقل خلت الكل في حالة ذهول !!!!

أبويا الله يرحمه متوفي من سنين، وعايشة أنا وماما وأختي الصغيرة إيمان في الشقة بتاعتنا في القاهرة، وكانت عندنا عمة ساكنة في الأرياف رايحة جاية علينا وهيه الوحيدة اللي مسابتناش من عيلة أبونا.

وفي يوم عمتي جات وهيه فرحانة جدًا وقالت إنها جايبالي عريس من بلدها.. قالت إنه شاب مقتدر وكبير في عيلته. وأنا أول ما سمعت كلمة عريس من الأرياف دي، ارتعبت ورفضت فورًا من غير ما أشوفه ولا حتى أحاول أعرف ظروفه إيه أو شكله إيه.

اتنرفزت ساعتها اتخانقت مع عمتي وقلت لها بعصبية شديدة يا عمتي أنا عايزة أعيش هنا في القاهرة! عايزة حد يعيشني في حياة أحسن من دي مش أقل منها، مش هروح أدفن نفسي في الغيط والتراب!

عمتي حاولت تهديني وتقول لي إن ظروف العريس.. بس أنا كنت رافضة تمامًا ومستنتش أسمع الباقي، وقلت لها بحدة متحاوليش تقنعيني، عندك إيمان أهو جوزيها هي، دي شكلها تليق على الجو ده.

إيمان أختي الصغيرة أصلًا بنت متدينة جدًا، وأهم حاجة عندها في الدنيا الدين والأخلاق وبس.

عمتي أول ما سمعت كلامي لمعت في عينها الفكرة، وبصت لإيمان وقالت بسرعة طب والله فكرة! إيه رأيك يا إيمان؟ إيمان بصت في الأرض بكسوف وقالت بصوت هادي لو بيصلي.. معنديش مانع، أهم حاجة عندي يكون بيصلي وعارف ربنا.

عمتي زغردت فورًا من الفرحة وقالت بصوت عالي ده مش بيسيب فرض في الجامع يا نور العين! مبروك يا حبيبتي ربنا يتمم لك على خير.

ماما كمان فرحت وحضنت أختي وباركت لها، وأنا بصراحة ما قدرتش أمسك ضحكتي وقولتلها بتريقة، مبروك يا ستي، إنتِ أصلًا هتليقي قوي في الأرياف ولبسك الواسع ده هيليق هناك قوي.

إيمان تجاهلتني كعادة برودها اللي بينزل على قلبي زي السم ودخلت أوضتها.

وبعد أيام قليلة، جه العريس في زيارة عندنا البيت، وجاب معاه خيرات الله كلها.. أشكال وألوان من الهدايا والفاكهة والحاجات الغالية اللي تفتح النفس. قعد مع إيمان، وشاف أخلاقها وهدوءها، وعجبه الوضع جدًا، وحددوا يوم الخطوبة.. والأكتر من كده، إنهم خلوا كتب الكتاب في نفس يوم الخطوبة عشان يكون الجواز على سنة الله ورسوله قبل ما يمسك إيدها، وده كان شرط إيمان الأساسي إن مفيش لمس ولا خروج غير بعد الكتاب الرسمي.

بعد ما مشي، أنا وقفت أبص لكتلة الهدايا والزيارة الغالية دي وكنت مذهولة. سألت عمتي باستنكار هو مين ده أصلًا وإيه ده كله؟

عمتي بصتلي وقالت ما إنتِ مرضتيش تسمعيني من الأول.. ده كبير بلدهم، عنده أراضي بالهبل وورث عيلته ميتعدش، ده غير إنه مهندس ودخله لوحده كفاية يفتح بلد مش بيت لوحده!.

أنا اتصدمت صدمة عمري! حسيت إن الغضب غلي في عروقي وصرخت فيها ليه ما قلتليش كل ده من الأول؟!

قالت لي ببرود أعصاب ما إنتِ مدتنيش فرصة أتكلم.. يلا مش مشكلة، كله نصيب، وهو لايق لإيمان وهي لايقاله.. افرحي لأختك وبلاش نفسنة.

قالت كده وسابتني ومشيت. وأنا وقفت بصيت لأختي بنظرة كلها كره وغيظ، حسيت إنها خدت حقي، مش أنا اللي سبتهولها بمزاجي.

دخلت أوضتي وقفلت الباب عليا بالمفتاح، وبدأت أفرك دماغي وأفكر بجدية.. عريس بالصفات والفلوس دي كلها يضيع مني أنا؟! مستحيل! ده أنا أحق بيه من أي حد.

بدأت أخطط وأدور وراه بكل الطرق على السوشيال ميديا، لحد ما قدرت أوصل لحسابه الشخصي على الفيسبوك. ما صدقت لقيت الفرصة وبدأت أبعت له رسائل. كلمته وبكل جرأة قلت له أنا سهى أخت إيمان..

ومن كلمة للثانية، الكلام جاب بعضه وبقينا نتكلم على طول وبشكل يومي. بقيت أفتح معاه مواضيع وأقرب منه بذكاء ودلال، وبدأت أخليه يتعلق بيا ويتأثر بكلامي الحلو.

لحد ما في يوم لعبت اللعبة الكبيرة ورميت الطعم، وقلت له إن عمتي كانت أصلًا رايحة تخطبه ليا أنا في الأول، بس أختي طمعت وقالت لعمتي أنا هتجوزه، وأنا ما حبّتش أكسف أختي فتنازلت وسكتّ!

وكملت كلامي بتمثيل عشان أوقعه تمامًا في حبالي، وقلت له إني لو كنت أعرف إني هتعلق بيه كده مكنتش فرطت فيه أبدًا ولا سيبته لغيري!

وفعلًا، الكلام جاب نتيجة أسرع مما تتخيلوا! في ظرف أسبوعين بس، اللعبة جابت معايا، والعريس اتكلم مع عمتنا، وجات عمتنا للبيت وهي مندهشة تقول لنا إن العريس فسخ الخطوبة مع إيمان، وقال إنه حابب يتجوزني!

إيمان اتصدمت صدمة حياتها، وقامت جري على أوضتها قفلت على نفسها ومطلعتش، وماما اتنرفزت جدًا ووقفت تعاتب بعصبية وقالت هو إيه اللي بيحصل ده؟ هو العريس بينقي بطاطس من السوق ولا بيلعب ببنات الناس؟! حرام عليكم!.

بس أنا ما صدقت، وقفت قدام ماما وبكل برود قلت أنا موافقة يا ماما، بصراحة أنا معجبة بيه وهو معجب بيا، وده قسمة ونصيب، ومتنسوش إنه في الأصل جيه عشاني أنا من الأول!.

ماما لسه هتتكلم وتزعق، عمتي خدتها على جنب وقعدت تقنعها وتزين لها الكلام لحد ما خلتها تهدى وقالتلها بلاش تضيعي عريس زي ده.. مش معقول هنخرب مستقبل واحدة عشان التانية، وأن إيمان ربنا هيرزقها بواحد أحسن بكتير.

ماما سكتت في الآخر وهي مجبورة لأنها شافت إن الكلام واقعي ظاهريًا، بس كانت زعلانة قوي على قلب إيمان المكسور.

وفعلًا، في ظرف أسبوعين كمان، عملنا حفلة الخطوبة الكبيرة.. أنا والعريس اللي مكنتش مصدقة إنه رجع لي! وكل حاجة كانت ماشية تمام ومحسوبة بالملي، والكل بيبارك والزغاريد مالية المكان، وأنا حاسة إني كسبت المعركة واسترديت عرشي اللي ضاع مني.

لحد ما جه نص الاحتفال، وفجأة.. العريس عمل حاجة ميعملهاش أي بني آدم عاقل في الدنيا دي كلها، حاجة خلت الكل يقف في حالة ذهول تام وسط صمت مقلق!!!!!

وفجأة، وسط الزغاريد والناس اللي بتبارك، العريس قام من مكانه، ومسك الميكروفون من إيد الدي جي، وطلب من الكل يسكت ويسمعه دقيقتين.

أنا ابتسمت بدلال، وافتكرت إنه هيقول كلام رومانسي عني قدام الناس، وكنت مستعدة أعيش اللحظة اللي طول عمري بحلم بيها، وأشوف نظرة الانكسار في عيون إيمان وهي قاعدة في آخر الصالة جنب ماما.

لكن اللي حصل كان عكس كل توقعاتي!

العريس بصلي وقال بصوت هادي سهى، ممكن تطلعي هنا جنبي؟

قمت وأنا رافعة راسي، ومشيت ناحيته، وقلبي بيرقص من الفرحة، لكن أول ما وقفت جنبه، مد إيده وطلع موبايله، وفتح تسجيل صوتي، وقال للناس قبل ما أكتب كتابي على العروسة، فيه حاجة لازم كل الموجودين يعرفوها، عشان محدش فيكم يفتكر إني اتظلمت أو ظلمت حد.

بصيتله باستغراب، وحسيت إن ابتسامتي بتختفي واحدة واحدة.

السابق1 من 3
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى